Արդեն 13 օր է, ինչ ավարտվել է անցյալ տարի նոյեմբերի 5-ին Մաշտոցի պողոտայում տեղի ունեցած դեպքերի գործով նախաքննությունը։ 12 հատորից բաղկացած նյութերից կողմերը այժմ ծանոթանամ են 6-ին։ Նախաքննական մարմինը պետք է տրամադրի նաեւ մյուս հատորները, ինչպես նաեւ ձայնագրություններ։ Ըստ որոշ տեղեկությունների, գործը դատարանում կլինի մայիսի 5-ին։
Երեկ մեր զրույցում սույն գործով կալանավորված Ավետիս Ավետիսյանի պաշտպան Կարեն Քալանթարյանը ասաց, որ գործի նյութերի ծավալը բավական մեծ է. «Հիմա մեզ տվել են 6 հատորը, որպեսզի ժամանակ չկորցնենք եւ ծանոթանանք նյութերին, մինչեւ այս երկու օրը կտրամադրեն նաեւ մյուս կեսը։ Իրենց ասելով՝ ամբողջությամբ գործի նյութերը բաղկացած են մոտ 12 հատորից։ Ես չեմ կարող ասել, թե գործը երբ կուղարկվի դատարան»,- ասաց պաշտպանը։
Հարցին, թե այս պահին նա միջնորդություններ ունի՞ ներկայացնելու, թե՝ ոչ, Քալանթարյանը պատասխանեց. «Հնարավոր է նաեւ միջնորդություն անեմ այս փուլում, եւ հնարավոր է նաեւ, որ դա հետաձգման պատճաո չհանդիսանա դատաքննության ընթացքում։ Չի բացառվում, որ նման միջնորդության գաղափարի մասին խորհրդակցեմ մյուս պաշտպանների հետ եւ ընդհանուր մի հայտարարի գանք, եւ բոլորս միասին միջնորդություն ներկայացնենք։ Ես սույն գործի հետ կապված լրիվ ուրիշ հարց եմ ուզում քննարկման առարկա դարձնել, հուսամ, որ այդ առարկան, կոնկրետ խնդիրը, որը ես կառաջարկեմ քննարկել նախաքննության մարմնի մտքով բացարձակապես չի անցել»։
Տաթեւ ԽԱՉԱՏՐՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
