Ազգային ժողովի հերթական եռօրյան սկսվեց «Օրինաց երկիր» կուսակցության հայտարարությամբ, որ իրենք անցնում են ընդդիմության շարքերը: Ապա «Ժառանգություն» խմբակցության պատգամավոր Ռուբիկ Հակոբյանը 20 րոպե ընդմիջում խնդրեց՝ իր հեղինակած «Հայաստանի Հանրապետության ֆիզիկական եւ իրավաբանական անձանց նկատմամբ 2012-2013թթ. ընթացքում արագաչափերի եւ տեսանկարահանող սարքերի կիրառման, վճարովի ավտոկայանատեղերի կազմակերպման, Երեւանի ուղեւորափոխադրումների ուղեվարձի հնարավոր թանկացման, չշահագործվող ավտոմեքենաների պարտադիր ապահովագրության տուգանքների գործադրման ազդեցությունն ուսումնասիրող Հայաստանի Հանրապետության Ազգային ժողովի ժամանակավոր հանձնաժողով ստեղծելու մասին» ԱԺ որոշումի քվեարկությունից առաջ:
ՀՀԿ խմբակցության ղեկավար Գալուստ Սահակյանն ասաց, որ այս հարցով կոմպրոմիս չեղավ ընդդիմության եւ իշխանության մեջ, հետեւաբար իրենք՝ ՀՀԿ-ն դեմ կքվեարկի հանձնաժողով ստեղծելուն:
Նելլի ԳՐԻԳՈՐՅԱՆ
