ՀՀ քրեական վերաքննիչ դատարանի դատավոր Կարինե Ղազարյանի նախագահությամբ այսօր շարունակվեց Հատուկ քննչական ծառայության քննիչ Մուշեղ Բաբայանի որոշման դեմ բողոքի քննությունը:
Մ.Բաբայանն իր որոշմամբ մերժել էր քրեական գործ հարուցել ԱԺ պատգամավոր Զարուհի Փոստանջյանի եւ նրա հարազատների դեմ՝ սպորտի եւ երիտասարդության հարցերի փոխնախարար Խաչիկ Ասրյանի հրապարակային սպառնալիքների կապակցությամբ:
«Հելսինկյան քաղաքացիական ասամբլեա» Վանաձորի գրասենյակը դիմել էր Կենտրոն եւ Նորք-Մարաշ վարչական շրջանների ընդհանուր իրավասության դատարան, եւ դատավոր Մեսրոպ Մակյանի մարտի 4-ի որոշմամբ քննիչի դեմ բողոքը մերժվել էր:
Բողոքաբեր կողմը դիմել էր քրեական վերաքննիչ դատարան, ուր նույնպես այսօր մերժվեց բողոքը:
Կարդացեք նաև
Հատուկ քննչական ծառայությունը, չնայած իրավապաշտպան Արթուր Սաքունցի նախորդ նիստի պահանջի՝ ապահովել նրանց ներկայությունը, այս անգամ էլ դատարան չէր ներկայացել:
Իրավապաշտպան Արթուր Սաքունցը aravot.am-ի հարցին, թե դիմելո՞ւ է երրորդ ատյան, պատասխանեց, որ միանշանակ բողոքելու է որոշումը:
Ռուզան ՄԻՆԱՍՅԱՆ