Լոռու մարզի առաջին ատյանի ընդհանուր իրավասության դատարանում, դատավոր Նարինե Հովակիմյանի նախագահությամբ, ընթանում է գողություն կատարելու մեջ մեղադրվող Շ. Ավետիսյանի դատաքննությունը:
Համաձայն մեղադրական եզրակացության` Շ. Ավետիսյանին մեղադրանք է առաջադրվել այն բանի համար, որ նա 2012թ. նոյեմբերի 25-ին ապօրինի մուտք է գործել Նորաշեն գյուղի դպրոց, մետաղյա ձողի գործադրմամբ բացել է չհրկիզվող պահարանը և հափշտակել առանձնապես խոշոր չափերով գումար`10502079 ՀՀ դրամին համարժեք:
Բացի այդ՝ ապօրինի կրել է սառը զենք հանդիսացող դանակ, որը հայտնաբերվել է 2013թ. փետրվարի խուզարկությամբ:
Խափանման միջոց է ընտրվել կալանավորումը:
Անուշ ԲՈՒԼՂԱԴԱՐՅԱՆ
