Նորմանդիայումդաշնակիցների զորքի վայրէջքի 70-ամյակին նվիրված տոնակատարության հեռարձակման ռեժիսորները Ռուսաստանի նախագահ Վլադիմիր Պուտինին և ԱՄՆ նախագահ Բարաք Օբամային մոնտաժի միջոցով կողք կողքի են կանգնեցրել, թեև նրանց բաժանումէր 10 նստատեղ, գրում է «ԻՏԱՌ-ՏԱՍՍ»-ը:
Հեռուստահեռարձակողները ուղիղ եթերում Օբամայի և Պուտինի խոշոր պլանով պատկերները իրար կողք էին տեղադրել՝ բաժանելով նրանց հորիզոնական սև գծով, որը գրեթե չէր նշմարվում:
Նախագահները, չիմանալով կիրառված էֆեկտի մասին, մեկը մյուսի ուղղությամբ է նայել, և տպավորություն է ստեղծվել, թե իրոք իրար կողք են կանգնած:
Իրականում Պուտինի տեղը Ֆրանսիայի նախագահի ձախ թևում էր, իսկ Օբամայինը՝ աջ:
Կարդացեք նաև
Այնուամենայնիվ, գերտերությունների առաջնորդները միջոցառումից առաջ հասցրել են իրականում հանդիպել: ՌԴ նախագահի խոսնակ Դմիտրի Պեսկովը հայտնել է, որ նախագահները քննարկել են Ուկրաինայում տիրող իրավիճակը և համաձայնել, որ պետք է անհապաղ վերջ տրվի երկրի արևելքում ռազմական գործողություններին:
Պատրաստեց Հովհաննես ԻՇԽԱՆՅԱՆԸ