Թուրքիայի վարչապետ Ռեջեփ Թայիփ Էրդողանին Վիեննայում դիմավորել են զանգվածային բողոքի ցույցով: Ավստրիայի արտաքին գործերի նախարար Սեբաստիան Կուրցն իր հերթին քննադատել է Էրդողանին՝ ասելով, որ «հստակ երևում է, որ Էրդողանը իր ընտրական քարոզարշավը բերել է Ավստրիա և այդ քայլով դժգոհություններ առաջացրել», գրում է «Հուրիեթ» թերթը:
«Նման բանն անընդունելի է մեր կողմից: Միակ բանը, որ կարող եմ ասել՝ երկրի նկատմամբ հարգանքն այսպես չի դրսևորվում», – հունիսի 19-ին ասել է Կուրցը լրագրողներին, այն բանից հետո, երբ մոտ 10 000 մարդ դուրս էր եկել փողոց Էրդողանի դեմ բողոքելու: Կուրցն այս խոսքերն ասել է նախքան Էրդողանի հետ հանդիպումը, որը տեղի կունենա հունիսի 20-ին:
Հունիսի 19-ին Էրդողանը Ավստրիայի մարզական արենայում ելույթ է ունեցել 6000-7000 տեղի թուրքերի առջև, իսկ մոտ 10 000 մարդ նայում էր նրա ելույթը մեծ էկրանի վրա:
Օգոստոսին կայանալիք Թուրքիայի նախագահի ընտրություններին ընդառաջ, որին հավանաբար Էրդողանը կդնի իր թեկնածությունը, վարչապետը շրջագայություն է սկսել Եվրոպայի թուրքաբնակ երկրներով:
Կարդացեք նաև
Պատրաստեց Հովհաննես ԻՇԽԱՆՅԱՆԸ
