Այս պահին Վանաձորում խուճապ է, մարդիկ պնդում են, թե տագնապ է հայտարարվել, որովհետեւ ժամը 11-14-ն ընկած ժամանակահատվածում երկրաշարժ է սպասվում, էպիկենտրոնն էլ Վանաձորն է:
Այս գիշեր, ժամը 3-ի սահմաններում ցնցում է գրանցվել: Մարդիկ խոսում են, որ էպիկենտրոնը Լեռնապատ գյուղն է:
Ըստ լուրերի, հիմնարկներից, հիվանդանոցներից մարդկանց տարհանում են: Բնակիչները դուրս են եկել շենքերից, հավաքվել են բակերում:
Մարզպետարանից, Արտակարգ իրավիճակների նախարարության լրատվական բաժնից հերքում են տագնապի մասին լուրերը, ասելով, որ ոչ մեկը չի կարող կանխատեսել երկրաշարժը, առավել եւս կոնկրետ ժամ հայտնել: Նրանք բնակիչներին հորդորում են խուճապի չմատնվել:
Կարդացեք նաև
Անուշ ԲՈՒԼՂԱԴԱՐՅԱՆ
Աչքը տեսածից է վախենում : Երբ գիշերվա հանգիստ քունդ խռովվում է անսպասելի, բավականին ուժեղ ցնցումներից, վախդ ոչ մի կերպ հաղթահարել չի լինում: Ու որքան էլ պնդեն, թե խուճապի մատնվելու կարիք չկա, միեւնույնն է, հիշում ես 25 տարի առաջ գլխիդ եկածը ու փորձում ես փախչել թե՛ հուշերից, թե՛ սպասվող կան չսպասվող արհավիրքից: