Թուրքագետ Արտակ Շաքարյանը կարծում է, որ Էրդողանը չի փորձի վավերացնել հայ-ռուսական արձանագրությունները, բայց եթե անգամ նման ցանկություն ունենա՝ չի կարող, որովհետեւ նրա կուսակցությունը համապատասխան քանակի ձայներ չունի պառլամենտում:
Ինչ վերաբերում է Թուրքիայում նախագահական մոտակա ընտրություններին, որոնք ամենայն հավանականությամբ կավարտվեն Էրդողանի հաղթանակով, թուրքագետը կարծիք հայտնեց, որ Հայաստանի համար Էրդողանի պարտությունը ինչ-որ առումով ձեռնտու կլինի, քանի որ այդ պարագայում Թուրքիայում կսկսվեն ներքին խնդիրներ, ինչից մենք կարող ենք օգտվել եւ Ցեղասպանության ճանաչման եւ անգամ ԼՂ հարցի լուծման առումով:
Պատասխանելով լրագրողի հարցին՝ Սերժ Սարգսյանի կողմից Էրդողանին ուղղված հրավերի մասին՝ Շաքարյանն ասաց, որ չնայած քանիցս ասել է, որ Էրդողանի եւ գալը եւ չգալը կլիներ Սերժ Սարգսյանի հաղթանակը, բայց մյուս կողմից, ինքը հույս ունի, որ Էրդողանը չի գա. «Եթե նա հանկարծ գա բազմաթիվ ամերիկյան, եվրոպական լրագրողների հետ ու հանկարծ հայտարարեր, որ գլուխ է խոնարհում մեր ընդհանուր ցավի առաջ, 2015 թ-ին սպանված հայերի ու թուրքերի, նաև՝ Խոջալուում ցեղասպանված ադրբեջանցիների համար… ի՞նչ էինք մենք անելու»:
Մ. ԲԱՐՍԵՂՅԱՆ
Կարդացեք նաև
