«Միայն արդարություն եմ ես փնտրում, ինձ ուրիշ ոչ մի բան պետք չէ, ինձ ճիշտ հասկացե’ք»,- այսօր` հուլիսի 10-ին ՀՀ կառավարության շենքի դիմաց հայտարարեց քաղաքացի Մակիչ Կեսոյանը:
Նա նշեց, որ ցանկանալով տուն գնել` տան գումարը տվել է Արայիկ Կեսոյանին, նա էլ փողը փոխանցել բրոքեր Գարիկ Սարգսյանին, վերջինն էլ իր հերթին այն տվել է մեկ այլ կնոջ.
«Տունը եղել է Գարիկ Սարգսյանի ընկերոջ հոր անունով, առել եմ ես նրանցից, հիմա ինձ տանում պտտում են օղակներով, տանում հասցնում են ոմն մի Լարիսա Զաքարյանի մոտ: Ես ի՞նչ գործ ունեմ, որ ինքը նստած է»:
Մանրամասները` տեսանյութում:
Կարդացեք նաև
Նրա կինը` Նեկտար Կեսոյանը նշեց, որ իրենք չեն բնակվում այդ բնակարանում` ապրում են մի տնակի մեջ: Անդրադառնալով դատական հայցին, նա մեզ տեղեկացրեց, որ այն անցել է դատական բոլոր ատյաներով, սակայն նրանց հրաժարվում են ընդունել եւ գործը հայտնվել է փակուղու մեջ.
«Մենք արդարություն ենք պահանջում: Պարզվել է` այդ բնակարանն ապօրինի սեփականաշնորհված է եղել, բայց այդ մասին մենք չենք իմացել: Մենք բարեխիղճ գնորդն ենք եղել, հիմա այդ տունը դատարանով մեր ձեռքից վերցրել են»:
Իսկ Մակիչ Կեսոյանի մայրը բողոքեց իրենց ներկայիս բնակարանային պայմաններից` անվանելով այն հետամնաց: Նա հայտարարեց, որ պահանջում են, որ իրենց փողը վերադարձնեն եւ դատական նիստերն արդար անցկացնեն.
«Ողորմություն չենք ուզում, մեր փողն ենք ուզում` մեր դառը քրտինքով վաստակած դրամը, արդար ձեւով թո’ղ դատեն, ոչ թե վերեւից ինքը թիկունք ունի ու փակում են գործը»:
Ամի ՉԻՉԱԿՅԱՆ
