Սերբիայում ավարտվեց «Ոսկե ձեռնոցներ» միջազգային երիտասարդական մրցաշարը, որին մասնակցում էին 32 երկրների ավելի քան 250 մարզիկներ:
Հայաստանի ինը ներկայացուցիչներից վեցը այս տարիքային խմբի ուժեղագույն մրցակիցների պայքարում բարձրացան պատվո պատվանդան:
Կրկին գերազանց հանդես եկավ աշխարհի երիտասարդների չեմպիոնուհի, 51 կգ քաշային Անուշ Գրիգորյանը, որ տանելով միայն հաղթանակներ, դարձավ հաղթող: Երկրորդ մրցանակակիր դարձան Տիգրան Մելքոնյանը՝ 69 կգ եւ Նարեկ Մնացականյանը՝ 81, իսկ Սպարտակ Թամարյանը՝ 56, Արմեն Մխիթարյանը՝ 64 եւ գերծանր քաշային Գնել Մուրադյանը արժանացան բրոնզե պարգեւի:
Հայաստանի բռնցքամարտի մամուլի ծառայությունը հատկապես կարեւորում է Անուշի եւ Նարեկի հաջող մրցելույթները, քանի որ նրանք օգոստոսին Հայաստանը ներկայացնելու են Նանջինգում կայանալիք պատանեկան ամառային երկրորդ օլիմպիական խաղերում:
Կարդացեք նաև
Աշոտ ՀԱԿՈԲՅԱՆ
Լուսանկարը՜ sport.mediamax-ի
