Հայաստանի պաշտպանության նախարարության խոսնակ Արծրուն Հովհաննիսյանը ադրբեջանական պաշտոնական այդ հայտարարությունները՝ դիվերսիոն խմբի հայտնաբերման և ոչնչացման մասին՝ անլուրջ ու զավեշտալի համարեց.
«Քաղաքացիական մարդուն ներկայացնում են դիվերսանտ, ինչպես այն ժամանակ հիվանդ պապիկին էին նույնկերպ ներկայացնում։ Ո՞ւր են իրենց ասած չորս սպանվածները: Եթե Կարեն Պետրոսյանին հետ վերադարձնեին, պարզ է, որ ծիծաղի առարկա էին դառնալու աշխարհով մեկ, քանի որ այդ մարդը առողջական՝ հոգեկան խնդիրներ ուներ, երբևէ զինվորական չի եղել: Կարեն Պետրոսյանի համագյուղացիներն են այդ մասին տեղեկացրել, որ նա հոգեկան խնդիրներ է ունեցել: Իսկ ես էլ չհավատալու պատճառ չունեմ, ես իրեն չեմ ճանաչում, նա զինվորական չի եղել: Փաստ է, որ նա մահացել է»:
Մեր հարցին՝ Կարեն Պետրոսյանը մահացե՞լ է, թե՞ սպանել են, Ա. Հովհաննիսյանը պատասխանեց. «Չեմ կարող ասել, բայց հաշվի առնելով Ադրբեջանի գործելաոճը՝ առավել հավանական է, որ սպանել են նրան»:
Անի ՔԵՇԻՇՅԱՆ
Կարդացեք նաև
Մանրամասները կարդացեք սկզբնաղբյուր կայքում
