Մայիսի 1-ից հուլիսի 25-ն ընկած ժամանակահատվածում հայաստանյան 9 առցանց ԶԼՄ-ներ մարդու իրավունքների թեմային վերաբերող հոդվածներում որպես իրավախախտ կողմ ամենից շատը նշել են ՀՀ ոստիկանությանը։ Այս մասին են վկայում eTV-ի (Epress.am-ի և Հելսինկյան ասոցիացիայի համատեղ նախագիծ) համար արված «Սոցիոսկոպ» ՀԿ-ի դիտարկման արդյունքները: Ուսումնասիրությունն անցկացվել է 9 հայաստանյան կայքերում (Epress.am, Tert.am, Lragir.am, News.am, Azatutyun.am, Hetq.am, Galatv.am, Aravot.am, Ilur.am) առկա հրապարակումների հիման վրա:
Ընդհանուր առմամբ նշված ժամանակահատվածում հրապարակվել է մարդու իրավունքների ոլորտին վերաբերող 1395 հոդված։ Նախորդ եռամսյակի ընթացքում հոդվածների թիվը 1524 է եղել:
Հրապարակված հոդվածների 23.4 տոկոսում որպես իրավախախտ կողմ նշվում է ոստիկանությունը։ Իրավախախտ մյուս մեծ խմբերն են ՀՀ դատարաններն ու դատավորները՝ 14.9, ՀՀ կառավարության այլ կառույցները (8.7%) և հայաստանյան գործարար ոլորտի ներկայացուցիչները (7.6%):
Ըստ հետազոտության՝ այդ խախտումներից ամենաշատը տուժել են սոցիալական խոցելի խմբերը՝ ծերեր, կանայք, աղքատներ, գործազուրկներ, ազատամարտիկներ, հաշմանդամներ։ Նրանց վերաբերող հոդվածների թիվը 331 է։
Կարդացեք նաև
Մեծ թիվ են կազմում նաև ակտիվիստների իրավունքների խախտումների մասին հրապարակումները՝ 185։
Հրապարակումն ամբողջությամբ՝ սկզբնաղբյուր կայքում
