Վազգեն Խաչիկյանի եւ 12 ամբաստանյալների նկատմամբ հարուցված քրեական գործի դատաքննության ընթացքում այսօր Կենտրոն եւ Նորք-Մարաշ վարչական շրջանների ընդհանուր իրավասության դատարանում հարցաքննվեց գործով վկա Գոհար Միքայելյանը:
Նա իր ցուցմունքի սկզբում հայտարարեց. «Չգիտեի՝ ո՞վ է Վազգենը, ի՞նչ է պատահել»:
Այնուհետև տեղեկացրեց, որ ինքը բնակվում է Ծերեթելի, այժմ Արտաշիսյան 39 շենքում: Գոհարի հարևանը՝ Գրիգոր Հովակիմյանը, 2007 թվականին, ըստ մեղադրող կողմի, կենսաթոշակ է ստացել, սակայն այդ ժամանակ նա երկրում չի եղել:
Կարդացեք նաև
Գոհար Միքայելյանը չէր ճանաչում ամբաստանյալներից ոչ մեկին: Նա դատարանին հայտնեց. «2000-ին Գրիգոր Հովակիմյանը մեկնել է Ամերիկա: Նրանք ինտելիգենտ մարդիկ էին, և հնարավոր չէ, որ որևէ մախինացիա անեին, օրենքից դուրս բան անեին ու իր բացակայությամբ թոշակ ստանային»: Գոհար Միքայելյանը նշեց, որ Հովակիմյանն այստեղ բարեկամներ չուներ, եղբայրն էր, որ մահացել է:
Տաթև ՀԱՐՈՒԹՅՈՒՆՅԱՆ
