Այսօր Ազատ դեմոկրատներ կուսակցության գրասենյակում տեղի ունեցավ հանդիպում Հայաստանում Մեծ Բրիտանիայի դեսպան Քեթրին Ջեյն Լիչի և Ազատ դեմոկրատներ կուսակցության նախագահ Խաչատուր Քոքոբելյանի, կուսակցության վարչության անդամ Արմեն Առաքելյանի, վարչության անդամ և մամլո խոսնակ Անժելա Խաչատրյանի հետ։
Հանդիպման ընթացքում քննարկվեց ղարաբաղյան հիմնախնդրի կարգավորման ներկայիս իրավիճակը` մասնավորապես շփման գծում վերջին օրերին տիրող վիճակը, ինչպես նաև Հայաստանի ներքաղաքական և արտաքին քաղաքական հարցեր։
Երկուստեք կարևորվեց ղարաբաղյան հիմնախնդրի խաղաղ կարգավորման գործընթացը ԵԱՀԿ Մինսկի խմբի շրջանակներում և Հայաստանի եվրոպական ինտեգրացիայի կարևորությունն ու հնարավոր զարգացման հեռանկարները։
Ազատ դեմոկրատներ կուսակցության լրատվական ծառայություն
