ՕԵԿ- Ագրարային համալսարան տարածքային վեճն այսօր այլ ընթացք է ստանում: ԱԺ-ում հայտարարությունների ժամին ՕԵԿ պատգամավոր Հովհաննես Մարգարյանը, խոսելով արտագաղթի խնդիրների մասին, տեղեկացրեց, թե ինչ խախտում է արել Ագրարային համալսարանի ռեկտորը. «Կան դպրոցներ, որտեղ ընդամենը 1 առաջին դասարան է ձեւավորվել, այն էլ՝ մի քանի աշակերտով: Արտագաղթի ֆոնին բազմիցս է խոսվել երիտասարդ գիտնականների հիմնախնդիրների մասին, ովքեր լքում են երկիրը: Այս մասին իր տեսակետն է հայտնել նաեւ ՀՀ նախագահը՝ ասելով, որ ԿԳ բնագավառում անհրաժեշտ է առանձնահատուկ պայմաններ ստեղծել երիտասարդ գիտնականների համար, պետք է բացառել 65 եւ ավելի տարիք ունեցողներին շարունակել տնօրինել կրթօջախներ: Ագրարային համալսարանն էապես շեղվել է դրանից, եւ իր 70-ամյա ռեկտորին հաջողվել է գյուղատնտեսական ակադեմիան պետական ոչ առեւտրային կազմակերպությունից դարձնել հիմնադրամ, որպեսզի 65 տարեկանի սահմանափակումն իր վրա չազդի եւ շարունակի եւս 10 տարի պաշտոնավարել»:
Հովհաննես Մարգարյանը վստահեցրեց, որ առաջիկայում իրենք բացահայտելու են ԿԳ ոլորտում նմանատիպ տարբերակման այլ դեպքեր եւս:
Անդրադառնալով տարածքային վեճին՝ նա ասաց, որ ինքն ամեն ինչ անելու են, որ ամեն ինչ դուրս գա ջրի երես:
Հռիփսիմե ՋԵԲԵՋՅԱՆ
Կարդացեք նաև