Հատված տնտեսագետ, ՀԱԿ ներկայացուցիչ Վահագն Խաչատրյանի հետ հարցազրույցից:
– Առողջ տրամաբանության շրջանակում է, արդյոք, հայտարարությունը, թե փոքր ու միջին բիզնեսը մի հարթակ է, որտեղ խոշորները պետությանը խաբում են:
– Առողջ տրամաբանության եւ բանականության շրջանակում չէ։ Եթե դուք ուզում եք իսկապես խոշորներին հանել ստվերից, դուք շատ ավելի լավ գիտեք, որ կառավարության կամ իշխանության մեծ մասը, եթե ոչ ամբողջապես, հանդիսանում են այդ խոշոր բիզնեսի ներկայացուցիչները։ Խնդիրը լուծելու համար մեկ ճանապարհ կա. ուղղակի պետք է քաղաքական համարձակություն ունենալ եւ կտրել կոռուպցիան հովանավորողներին։ Ընդամենը մեկ հրահանգ է պետք։ Բայց այդ հրահանգը չի տրվում։
– Ինչ հրահանգ՝ կասե՞ք։
Կարդացեք նաև
– Երկրի առաջին դեմքերը, սովորաբար նման հարցեր կարողանում են լուծել, շատ երկրներում է այդպես։ Եթե կոռուպցիայի դեմ պայքարի ցանկություն եւ կամք կա, ապա շատ արագ հաջողություն կարձանագրվի։ Հատկապես Հայաստանի նման փոքր երկրում շատ արագ արդյունքի կհասնենք։
Սակայն ի սկզբանե պարզ էր, որ այս իշխանությունը չի գնա դրան, քանի որ այս համակարգը պահողը հենց կոռուպցիան է։ Կա կոռուպցիա՝ կլինի նաեւ
այս համակարգը, չկա կոռուպցիա՝ այս համակարգը տեղում կքանդվի։
Գիտեք, այստեղ ավելի վտանգավոր բան է տեղի ունեցել։ Ընդունել են մի
օրենք, որն, ըստ էության, առաջին հայացքից շատ նորմալ օրենք է։ Այսինքն, շրջանառության հարկի շեմն իջեցվում է, ապա մարդկանց ասում են՝ մենք սա անում ենք, որպեսզի դուք կարողանաք ստվերից հանեք խոշորներին, սեւ հաշվապահություն չունենաք, որ մեզ մոտ ամեն ինչ ամեն օր հաշվառվի։ Շատ բնական է, ում էլ հարցնեն՝ կասի, որ սրա մեջ վատ բան չկա։ Հիմա փոքր եւ միջին բիզնեսի ներկայացուցիչները հակադարձում են՝ մենք խնդիր չունենք, բայց երբ գնում ենք ապրանք բերելու խոշոր ներկրողից, մեզ թուղթ չեն տալիս։ Ասում են՝ գնա ուրիշից առ, օրինակ, շաքարավազը, բայց հարց է առաջանում ՝ ումից առնեն։
Գոհար ՎԵԶԻՐՅԱՆ
Հարցազրույցն ամբողջությամբ կարող եք կարդալ «Չորրորդ իշխանություն» թերթի այսօրվա համարում
