12-13-րդ դարերի նշանավոր Գոշավանքի հրապարակում վանական համալիրի պատմության մասին կույրերի համար նախատեսված, 5 լեզուներով` հայերեն, ռուսերեն, անգլերեն, ֆրանսերեն, իտալերեն, տեղեկատվական վահանակներ կան: Դրանք փորագրություններ են, որոնք շոշափելով՝ կարդում են կույրերը:
«Գոշավանք» պատմաճարտարապետական արգելոցի նախկին վարիչ, Գոշի բնակիչ Արծրուն Հովսեփյանն ասաց, որ սովորական այցելուների համար եւս տեղեկատվական վահանակներ են եղել , սակայն տեքստի բովանդակության մեջ բազմաթիվ սխալներ են եղել: Այդ պատճառով դրանք հանվել են: Հետաքրքիր է` կույրերի համար նախատեսված տեքստում այդ սխալները չկա՞ն: Ա. Հովսեփյանի վկայությամբ՝ ամեն տարի Գոշավանք է այցելում ավելի քան 600 հազար մարդ: Նրանք ինչպե՞ս են տեղեկանում հռչակավոր վանական համալիրի պատմության մասին:
Ոսկան ՍԱՐԳՍՅԱՆ
Կարդացեք նաև
