Երեկ Սննդամթերքի անվտանգության պետական ծառայության պետ Աբրամ Բախչագուլյանը սեփական դիմումի համաձայն ազատվել է աշխատանքից։ Նրա փոխարեն այդ պաշտոնում նշանակվել է Սփյուռքի փոխնախարար Արմեն Հայրապետյանը։
«ՉԻ» – Դե հիմա նշանակվել է՝ լավ է արել, խնդիրր դա չէ։ Խնդիրն իշխանությունների կադրային փայլուն քաղաքականությունն է։ Փաստորեն՝ Հայաստանում այնպիսի վունդերկինդներ կան, ովքեր կարող են մի օր զբաղվել Հայաստան-Սփյուռք կապերով, հաջորդ օրը՝ պանրի ու թթվասերի մեջ վտանգավոր հավելանյութերի բացահայտմամբ եւ այլն։
Չնայած՝ զարմանալու բան չկա. գուցե այդ մարդը գյուղինստիտուտի սփյուռքահայության հետ կապերի ֆակուլտետն է ավարտել։ Հակառակ դեպքում անհասկանալի է՝ ինչպե՞ս է, ասենք, բրուցելոզի մասնագետը Սփյուռքի փոխնախարար աշխատել, կամ ինչպե՞ս է Սփյուռքի մասնագետը ապահովելու սննդամթերքի անվտանգությունը։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
