ՀԱՅԱՍՏԱՆԻ ԿՈՄՈՒՆԻՍՏԱԿԱՆ ԿՈՒՍԱԿՑՈՒԹՅԱՆ ՀԱՅՏԱՐԱՐՈՒԹՅՈՒՆԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆԸ ՀԱՅԱՍՏԱՆԻ ԱՆԴԱՄԱԿՑՈՒԹՅԱՆ ՊԱՅՄԱՆԱԳՐԻ ՍՏՈՐԱԳՐՄԱՆ ԿԱՊԱԿՑՈՒԹՅԱՄԲ
Հայաստանի կոմունիստական կուսակցության կենտկոմը հանրապետության բոլոր կոմունիստների անունից ողջունում է 2014թ. հոկտեմբերի 10-ին Եվրասիական տնտեսական միությանը Հայաստանի միանալու վերաբերյալ պայմանագրի ստորագրումը:
Այսօր կայացավ հիրավի պատմական իրադարձություն, որը կարող է որոշիչ ազդեցություն ունենալ Հայաստանի հետագա զարգացման վրա` ՌԴ նախագահ Վլադիմիր Պուտինի կողմից նախաձեռնած Եվրասիական Միության կազմում , միություն, որը հետխորհրդային տարածքում ամենակազմակերպված և միասնական միավորումն է մեր ընդհանուր հայրենիքի` ԽՍՀՄ-ի փլուզումից հետո:
Հայաստանի կոմունիստները մշտապես հավատարիմ են եղել նախկին ԽՍՀՄ հանրապետությունների լայնամասշտաբ ինտեգրման գաղափարին և այժմ մենք ընդգծում ենք. պատմական զարգացման ներկա փուլում կա հնարավորություն, որպեսզի ԵՏՄ-ի կազմավորումը դառնա Ռուսաստանի ղեկավարության ներքո մեր երկրների հետագա միավորման առաջին քայլը:
Կարդացեք նաև
Հայաստանի կոմկուսը, շատ հարցերում չկիսելով երկրի իշխանությունների տեսակետը, ներկա դրությամբ չի կարող չարձագանքել նախագահ Սերժ Սարգսյանի ընդունած որոշման պատմական նշանակությունը` այսպես կոչված “եվրոպական ինտեգրացիայի” կուրսից փաստացի հրաժարվելու և եվրասիական նախաձեռնություններում լիարժեք մասնակցություն ցուցաբերելու մասին:
Միայն ԵՏՄ-ում Հայաստանի լիակատար անդամակցությունը կարող է երաշխավորել Հայաստանի և ԼՂՀ-ի անվտանգությունը, դառնալ քայքայված տնտեսության վերականգնման գրավականը ողջ հետխորհրդային տարածքում:
Հայաստանի կոմունիստական կուսակցությունը շնորհավորում է ողջ հայ ժողովրդին ԵՏՄ-ին Հայաստանի անդամակցության պայմանագրի ստորագրման առթիվ և կոչ է անում Ազգային Ժողովի բոլոր խմբակցություններին` սկսել այդ պայմանագրի վավերացման գործընթացը: Հակառակ պարագայում նրանց որդեգրած դիրքորոշումըկնշանակի դավաճանել ազգային շահերին:
Հայաստանի կոմունիստական կուսակցության կենտկոմ
Սարսափելի հայտարարություն՝ ՀԿԿ-ի կողմից։ Թվում էր թե գոնե տարիքը առած մարդիկ կհասկանան չարիքի սկզբնաղբյուրը, բայց ցավոք ողջունում են այն։ Կարծում եմ, որ նրանք այն անում են ոչ շահադիտական նպատակներով, այլ խորը ստրկամտությունն է նստած նրանց ուղեղում։Անչափ խորն է ցավը, երբ արտաքուստ շատ բարեպաշտ մարդիկ խոսում են ինքնաստրկացման մասին ամենավեհ ,,հայրենասիրության,, ակունքներից։ ՉԳԻՏԵՄ Ի՞ՆՉ կարելի է անել,՝ բղավել, լացել, ինքնահրկիզել, թե՛ մի այլ բան։ Երկիրը՝ կործանվում է մեր աչքի առաջ, այն երկիրը, որոնց տերը պետք է լինեին,՝ Մոնթե Մելքոնյանը, Մովսես Գորգիսյանը, Լեոնիդ Ազգալդյանը, և իհարկե այսօր մեզ հետ,՝ Ալեք Ենիգոմշյանը, ժիրայր Սեֆիլյանը, և իրենց ընկերները։
Ապրեն կոմունիստները: