Հոռոմի խաչմերուկում այրվող գազելից մազապուրծ փրկված 7 ուղևորները այնքան ծանր սթրես են տարել, որ հիշել անգամ չեն ուզում կատարվածը: Երեկ Գյումրու բժշկական կենտրոնում նրանցից մեկը, որը համեմատաբար բարվոք վիճակում էր, ուղղակի խնդրեց իրեն մենակ թողնել իր մտքերի հետ :
Այսօր մեզ հետ զրույցում Զարուհի Հովհաննիսյանը, որ բավական շատ վնասվածներ է ստացել՝աջ սրունքի զույգ ոսկրերի մ/3-ի բաց կոտրվածք՝ տեղաշարժով, աջ սրունքի առաջնային մակերեսի, կզակի և ձախ վերին կոպի լաջարդ վերքեր և որդու՝ 14-ամյա Էդմոն Սիմոնյանի հետ գտնվում է նույն հիվանդասենյակում, ասաց , որ ոչինչի չի հիշում: Ըստ տիկնոջ, ինքը ուշքի է եկել այն պահին, երբ հիվանդանոցում փորձում էին պատառոտելով մի կերպ հանել մարմնին կպած շորերը: Սակայն նա լսել է, որ միկրոավտոբուսի հրդեհվող մարդկանց օգնել է ուղևորներից մեկը՝ Սամվել Հակոբյանը, որը նույնպես մարմնական վնասվածքներ է ստացել: Սամվել Հակոբյանը ստացել է կրծքավանդակի աջ կեսի հետին կողմնային պատի բութ վնասվածք: Նրանց օգնության են հասել նաև հենց այդ խաչմերուկում գտնվող գազալցակայանի աշխատակիցները: Տուժածները հիշում են, որ կամազը կտրել է գազելի ճանապարհը, և գազելի «տոռմուզն ու գմփոցը» միանգամից են լսել: Գազելի վարորդը փորձել է արգելակել մեքենան, սակայն չի հասցրել կանգնել:
Կանացից մեկը թեթևակի այրվածք է ստացել ու հայտնվելով միկրոավտոբուսից դուրս՝ որոշել է իրեն գետնին քցել, որպեսզի կրակը հանգչի: Սակայն նա այդ պահին ծանր այրվածքներ է ստացել, քանի որ չի պատկերացրել, թե կամազից սալյարկա է թափվել գետնին, լցվել է նաև միկրոավտոբուսի վրա: Կնոջ մարմինը բռնկվել է, նրան արագ օգնության են հասել մոտակա գազալցակայանի աշխատակիցները: Վերջիններս ջանքեր չեն խնայել այրվողներին փրկելու համար:
Կարդացեք նաև
Նունե ԱՐԵՎՇԱՏՅԱՆ
