Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարան ներկայացած Կարեն Դեմիրճյանի անվան մետրոպոլիտենի ներկայացուցիչ Արտակ Երեմյանը դատարանում հայտնեց, որ վատառողջ լինելու պատճառով, ինչպես նաեւ տնօրինության՝ հանրապետությունից բացակայելու պատճառով չի կարողացել քննարկել մետրոպոլիտենի նախկին աշխատակիցներ Սեւակ Հովսեփյանի, Գագիկ Գալստյանի եւ մյուսների հետ հաշտության եզրեր գտնելու հարցը: Նա խնդրեց 10 օր ժամանակ:
Դեկտեմբերի 2-ին Սիմիզար Հովսեփյանի նախագահությամբ կշարունակվի դատական նիստը:
Հիշեցնենք, որ մետրոպոլիտենի աշխատակիցները դիմել են դատարան՝ ազատման հրամանը չեղյալ հայտարարվելու, նախկին աշխատանքում վերականգնվելու եւ կորցրած աշխատաժամանակի դիմաց գումար ստանալու պահանջով:
Ռուզան ՄԻՆԱՍՅԱՆ
