Ուկրաինայի իշխանությունները երկրի արևելքի հակամարտության զարգացման տարբեր հնարավորություններ են դիտարկում և նույնիսկ նախապատրաստվել են «տոտալ պատերազմի սցենարին», այս մասին Ուկրաինայի նախագահ Պետրո Պորոշենկոն հայտնել է գերմանական «Բիլդ»-ին տված հարցազրույցում, փոխանցում է «ՌԻԱ Նովոստի»-ին:
«Ես չեմ վախենում ռուսական զորքերի դեմ պատերազմից ու մենք նախապատրաստվել ենք տոտալ պատերազմի սցենարին: Այս պահին մեր բանակը շատ ավելի լավն է, քան 5 ամիս առաջ էր, և մենք ամբողջ աշխարհի աջակցությունն ունենք: Մեր զինվորները ցույց են տվել, որ կարող են պաշտպանել մեր երկիրը: Մենք միայն խաղաղություն ենք ուզում, բայց, ցավոք, մենք պետք է դիտարկենք նաև վատագույն սցենարը», – ասել է Պորոշենկոն՝ Ռուսաստանին մեղադրելով պայմանավորվածությունները խախտելու մեջ:
Պատրաստեց Հովհաննես ԻՇԽԱՆՅԱՆԸ
