Լրահոս
Օրվա լրահոսը

«Ի՞նչ իրավունքով է Ուորլիքը հանդիպում ԼՂ-ի ներկայացուցչի հետ»․ Բաքուն քննադատում է ԱՄՆ-ի համանախագահին․«Ազատություն»

Դեկտեմբեր 03,2014 20:20 Share
Աջակցեք aravot.am-ին

Ջեյմս Ուորլիքը կրկին հայտնվել է պաշտոնական Բաքվի քննադատության թիրախում. այս անգամ պատճառը Եվրոպայում անվտանգության և համագործակցության կազմակերպության (ԵԱՀԿ) Մինսկի խմբի ամերիկացի համանախագահի և Լեռնային Ղարաբաղի խորհրդարանի խոսնակ Աշոտ Ղուլյանի վաշինգտոնյան հանդիպումն է:

«Ուորլիքը կրկին վտանգում է բանակցային գործընթացը», «Ի՞նչ իրավունքով է Ուորլիքը հանդիպում Ղարաբաղի ներկայացուցչի հետ». այս վերնագրերի ներքո ադրբեջանական մամուլի քննադատական հրապարակումները ստիպել են հակամարտության կարգավորմամբ զբաղվող ամերիկացի դիվանագետին հանդես գալ պարզաբանմամբ:

«Որպես ԵԱՀԿ-ի Մինսկի խմբի համանախագահ՝ ես կարևոր եմ համարում Լեռնային Ղարաբաղի հակամարտության լուծման հարցում քննարկումներ անցկացնել բոլոր կողմերի հետ», – հայտարարել է Ջեյմս Ուորլիքը՝ պատասխանելով Ղարաբաղի Ազգային ժողովի նախագահ Աշոտ Ղուլյանի հետ իր հանդիպման վերաբերյալ APA գործակալության հարցին։

«Մենք քննարկեցինք նոյեմբերի 12-ին տեղի ունեցած միջադեպից հետո առաջացած լարվածության նվազեցման կարևորությունը և բանակցություններում առաջընթացի հասնելու անհրաժեշտությունը», – ադրբեջանական գործակալությանը փոխանցել է Ուորլիքը։

Հիշեցնեմ՝ Լեռնային Ղարաբաղի խորհրդարանի նախագահի և Մինսկի խմբի ամերիկացի համանախագահի հանդիպումը, կայացել է երկուշաբթի օրը Վաշինգտոնում։

Այս հարցերի շուրջ երեկ աշոտ Ղուլյանը ելույթ է ունեցել արդեն Միացյալ Նահանգների կոնգրեսում Լեռնային Ղարաբաղի անկախության 23-րդ տարեդարձին նվիրված միջոցառման ընթացքում, որին ներկա են գտնվել տասնյակ ամերիկացի կոնգրեսականներ:

Մանրամասները կարող եք կարդալ` «Ազատություն» ռ/կ-ի կայքում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: