Նախախորհրդարանի անդամ Ժիրայր Սեֆիլյանը կարծում է, որ ԱԺ պատգամավորներին պետք չէ ճնշել Հայաստանի՝ ԵՏՄ-ին անդամակցության մասին պայմանագրի հարցով:
«Ռեժիմի կցորդ անունով Ազգային ժողով համախումբը պատրաստվում է քվեարկել մի որոշում, որն արդեն ամբողջությամբ զրկելու է մեզ մեր ինքնիշխանությունից: Բայց մենք խուճապի չենք մատնվում, Ազգային ժողովին հատուկ ճնշելու մեթոդին էլ կողմնակից չենք: Գնալ խորհրդարանից ինչ-որ բան պահանջել կամ ճնշել, ապարդյուն աշխատանք ենք համարում, բայց բնականաբար, թույլ չենք տալու, որ այս ռեժիմը մեզ տանի նորելուկ կայսրության անդամ դարձնի»,- ասաց Ժիրայր Սեֆիլյանը:
Նրա խոսքով, իրենք դեմ են ԵՏՄ-ին, բայց այդ հարցի լուծումը տեսնում են միայն ապրիլի 24-ի մեջ, «ռեժիմն առանց 100-ամյակի» շարժման պայքարով: Հիշեցնենք, որ նրանք նախաձեռնել են իշխանափոխությունը սկսել ապրիլի 24-ից ու բազմաթիվ անգամ հայտարարել են, որ այդ օրը դուրս են գալու փողոց ու չեն գնալու իրենց տներ, մինչեւ ռեժիմը չփոխեն:
Ըստ նրա, պետք չէ ԵՏՄ-ի մասին պայմանագրի կետերի մեջ խորանալ.«Այսօր մտնել մանրուքների մեջ՝ այս կետը լավ է, այն կետը վատ է գլխավոր վտանգից շեղում եմ համարում, իսկ գլխավոր վտանգը սա է՝ մեր 42.000 քկմ իրավունք չունենք հանձնել օտարին»:
Կարդացեք նաև
Արփինե ՍԻՄՈՆՅԱՆ
Շփոթություն առաջացնող վերնագիր եք դրել….