Ռուսաստանի խորհրդարանը այսօր վավերացրել է Եվրասիական տնտեսական միությանը՝ Հայաստանի միանալու պայմանագիրը, հայտնում է «Ռոսբալտ»-ը:
«Դա կազդարարի գործընթացի սկիզբը, որով պայմանագրի մասնակից պետությունների շուկայում կրճատվելու կամ վերացվելու են ձեռնարկատիրական գործունեության սուբյեկտների միջեւ խոչընդոտներն ու արգելքները», – ասված է փաստաթղթի տեքստում:
Ակնկալվում է, որ Հայաստանը ԵՏՄ անդամ կդառնա հունվարի 1-ին:
Փաստաթղթի մեջ ներառված են մաքսային կանոնակարգման դրույթները: Դիտարկված է ընդհանուր մաքսային տուրքին անցնելը:
Կարդացեք նաև
Առանձին հոդվածներով խոսվում է համաձայնեցված մակրոտնտեսական քաղաքականության իրականացման, արժույթային քաղաքականության, ֆինանսական շուկաների կարգավորման, էներգետիկայի և տրանսպորտի ոլորտներում համագործակցության, գազի, նավթի, նավթային ապրանքների, դեղամիջոցների և բժշկական արտադրանքի ընդհանուր շուկայի ստեղծման մասին:
Պատրաստեց Հովհաննես ԻՇԽԱՆՅԱՆԸ
