«Երբ ոստիկանության համակարգի աշխատակիցը գիտի, որ լրագրողի աշխատանքը խոչընդոտելը քրեորեն պատժելի արարք է ու դա անում է, իհարկե, դա շատ դատապարտելի է ու ամենեւին չի նպաստում ոչ իրավապահ համակարգի կայացմանը, ոչ էլ մեր երկրում ազատ մամուլ ունենալու գաղափարախոսությանն ու իրականության կերտմանը: Պաշտոնյան պետք է մնա կոռեկտության սահմաններում ու գործի իրեն վերապահված իրավասությունների պարագայում»,- այսօր «Մեդիա» կենտրոնում ասաց ԱԺ ՀՀԿ խմբակցության պատգամավոր Արփինե Հովհաննիսյանը:
Նա անդրադարձավ իր համահեղինակած` ֆեյքերի օրենսդրական նախաձեռնությանը, ասաց, որ այն ԱԺ օրակարգից դուրս է եկել ու հետաձգված է մի շարք պատճառներով.«Առաջին պատճառն այն էր, որ բողոքարկվում էր այդ նախագծի հիմք հանդիսացած եվրոպական դատարանի համապատասխան որոշումը, երկրորդ՝ հասարակական տարբեր շերտեր հիմնականում բացասական կարծիքներ հայտնեցին, որովհետեւ նախագծով հասարակությանն ուղղված հաղորդագրությունն այդքան էլ ճիշտ դրված չէր»:
Արփինե ՍԻՄՈՆՅԱՆ
Կարդացեք նաև
Լուսանկարը՝ «Մեդիա» կենտրոնի
