Մոտ 1 տարի է՝ հանրահայտ երգիչ Շարա Տալյանի թոռնուհին՝ Ռուզաննա Բաբաջանյանը, գիշերում է անցումներում, այգիներում ու կանգառներում: Ձմռան այս ցրտին ո՛չ տաք հագուստը, ո՛չ էլ տաք թեյը ցուրտը չեն մեղմում: Ռուզանը մի քանի տակ հագուստներով փաթաթված՝ 24 ժամ նստած է Վերնիսաժի հարեւանությամբ գտնվող այս կանգառասրահում: Նրան հացուջուր են բերում ծանոթ ու անծանոթ մարդիկ:
Լսելով սոցիալապես ծանր վիճակում եւ անելանելի դրության մեջ գտնվող այս մարդու պատմությունը՝ պարզապես հեքիաթներ են թվում մեր երկրի համար պատասխանատու այն անձանց ասածները, որոնք վստահեցնում են, թե Հայաստանն իր սոցիալական ու իրավական ոլորտներում մի շարք կարեւոր կառուցվածքային եւ բովանդակային բարեփոխումներ է իրականացրել:
Իսկ թե ինչու է Շարա Տալյանի թոռնուհին հայտնվել այդ վիճակում՝ կարդացեք այստեղ
Լուսանկարը՝ ԼՈՒՍԻՆԵ ԲՈՒԴԱՂՅԱՆԻ
«Առավոտ» օրաթերթ
16.12.2014
