Մեր ժամանակների լավագույն բռնցքամարտիկ Ֆլոյդ Մեդվեյզերը, որի երկրորդ անունը «Փող» է, ֆիզիկապես չի հասցնում ծախսել վաստակած դրամը, սակայն վատնելու համար մշտապես նոր հետաքրքրություններ է մտածում:
Forbes-ի վարկածով 2014 թվականի աշխարհի ամենահարուստ մարզիկը 12 ամսում վաստակել է $105 միլիոն: Ամերիկացու մասին ասում են, թե փողը, պարզապես, կպչում է նրան: Ինքը՝ 37-ամյա բռնցքամարտիկը հաջորդ մրցակցի հետ մենամարտի մասին հայտարարություն չի անում: Նա գերադասում է այլ թեմաներ քննարկել: «Հնարավոր է՝ ես ինձ ատելու եւս մի հնարավորություն տամ, բայց մոտիվացնելու եմ այն մարդկանց, որոնք ցանկանում են կյանքում հաղթած լինել: Ես մեղավոր եմ: Ես նյութապաշտ եմ եւ ինձ դրամն է մոտիվացնում: Աստված ինձ պարգեւել է աշխարհի ամենալավ ձեռքերը, որպեսզի աղոթեմ, մենամարտեմ եւ փողերս հաշվեմ», – ամերիկացու խոսքերը մեջբերել է Allboxing.ru-ն:
Աշոտ ՀԱԿՈԲՅԱՆ
Լուսանկարը՝ Twitter.com-ի
