«Հայաստանի Էլեկտրական ցանցեր» ՓԲԸ գլխավոր տնօրեն Եվգենի Բիբինի խոսքով՝ դժվար է կանխատեսել, թե դոլար-դրամ եւ դոլար -ռուբլի փոխարժեքի տատանումների արդյունքում կբարձրանա՞ հոսանքի սակագինը, թե՞ ոչ:
Այսօր լրագրողների հետ տեղի ունեցած կարճ ճեպազրույցում Եվգենի Բիբինն ասաց. «Դժվար է կանխատեսումներ անել, սակայն պետք է հետեւյալն ասել: Փոխարժեքի տատանումները, անկասկած, մեր կազմակերպության աշխատանքի վրա իրենց ազդեցությունը թողնում են, քանի որ այսօրվա դրությամբ մենք որոշակի պարտավորություններ ունենք, որոնք տարադրամով են ամրագրված: Այն, ինչ վերաբերում է դոլարի կուրսի բարձրացմանը, անկասկած իր ազդեցությունը կունենա սարքավորումների եւ արտադրանքի գնի վրա: Կրկնում եմ եւս մեկ անգամ, որ այս կարճ ժամանակահատվածում կանխատեսումներ անելը դժվար է, պետք է որոշակի ժամանակ անցնի, որպեսզի գանք այն եզրակացության, թե ինչ ազդեցություն կունենան այդ տատանումները»:
Եվգենի Բիբինը վստահեցնում է, որ այսօր «ՀԷՑ»-ը աշխատում է ծախսերի կրճատման ուղղությամբ. «Իսկ այդ պարագայում ցանկացած բարձրացման հնարավոր կլինի դիմանալ»:
Էլյա ՀՈՎՀԱՆՆԻՍՅԱՆ
