«ԲՀԿ առաջնորդն ունի իր քաղաքական օրակարգը, մենք դա չենք մեկնաբանում»,-այսօր ՀՀԿ ԳՄ նիստի ավարտից հետո լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովն՝ պատասխանելով հարցին` ՀՀԿ-ում ինչպե՞ս են վերաբերում ԲՀԿ առաջնորդ Գագիկ Ծառուկյանի հրավիրած խորհրդաժողովին:
Լրագրողների հարցերին ի պատասխան ՀՀԿ խոսնակը նաեւ տեղեկացրեց, որ իր կուսակցությունը խորհրդաժողովին մասնակցության հրավեր չի ստացել, ոչ էլ գնալու նպատակ ունի` ԲՀԿ-ն ունի իր օրակարգը, ՀՀԿ-ն՝ իր. «Մենք հարգանքով ենք վերաբերում ցանկացած քաղաքակիրթ միջոցառման, որն արվում է Հայաստանի ապագայի համար՝ անկախ նրանից մենք այնտեղ հնչող ելույթների հետ համամի՞տ ենք, թե՞ ոչ: Եթե օրինական հունով են ընթանում, մենք դրան դրական ենք վերաբերում, ժողովրդավարությունն ինքը բազմակարծություն է»,-եզրափակեց ԱԺ փոխնախագահը:
Նելլի ԳՐԻԳՈՐՅԱՆ
Ի գիտություն ինտելեկտուալի հավակնություններ ունեցող Շարմազանովի.
որևէ բանի վերաբերում են անշունչ առարկաներն ու երևույթները, իսկ գործող անձիք՝ վերաբեր-վ-ում են: