Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանի նախագահությամբ շարունակվում է Գոհար Հարությունյանի, Սուսաննա Սեդրակյանի, Շուշանիկ Բանտիկյանի եւ Հովակիմ Բադանյանի նկատմամբ հարուցված քրեական գործով դատական նիստը:
Փետրվարի 25-ին կշարունակվի սույն գործի քննությունը:
Տեղեկացնենք, որ Գոհար Հարությունյանին մեղադրանք է առաջադրվել այն բանի համար, որ նա հանդիսանալով «ՀՀ դատական դեպարտամենտ» պետական կառավարչական հիմնարկի հաշվապահական հաշվառման եւ ֆինանսական վարչության պետ, գլխավոր հաշվապահ` պաշտոնատար անձ, տեւական ժամանակ առանձնապես խոշոր չափերի հափշտակություններ կատարելու նպատակով, «ՀՀ դատական դեպարտամենտ» ՊԿՀ ներքին աուդիտի վարչության պետ Սուսաննա Սեդրակյանի, հաշվապահության աշխատակիցներ` Հովակիմ Բադանյանի եւ Շուշանիկ Բանտիկյանի հետ, նախնական համաձայնությամբ, իրենց պաշտոնեական դիրքն օգտագործելով, յուրացման եղանակով, 2011թ. հոկտեմբերից մինչեւ 2013թ. հուլիսն ընկած ժամանակահատվածում հափշտակել են «ՀՀ դատական դեպարտամենտ» ՊԿ հիմնարկին ՀՀ պետական բյուջեից որպես աշխատավարձ եւ դրամական այլ բավարարումներ հատկացված առանձնապես խոշոր չափերի` ընդհանուր 8.020.400 ՀՀ դրամը:
Սուսաննա Սեդրակյանին մեղադրանք է առաջադրվել այն բանի համար, որ նա հանդիսանալով «ՀՀ դատական դեպարտամենտ» պետական կառավարչական հիմնարկի ներքին աուդիտի վարչության պետ` պաշտոնատար անձ, տեւական ժամանակ առանձնապես խոշոր չափերի հափշտակություններ կատարելու նպատակով, «ՀՀ դատական դեպարտամենտ» ՊԿՀ հաշվապահական հաշվառման եւ ֆինանսական վարչության պետ Գոհար Հարությունյանի, հաշվապահության աշխատակիցներ` Հովակիմ Բադանյանի եւ Շուշանիկ Բանտիկյանի հետ, նախնական համաձայնությամբ, իրենց պաշտոնեական դիրքն օգտագործելով, յուրացման եղանակով, 2011թ. հոկտեմբերից մինչեւ 2013թ. հուլիս ամիսն ընկած ժամանակահատվածում հափշտակել են «ՀՀ դատական դեպարտամենտ» ՊԿ հիմնարկին ՀՀ պետական բյուջեից որպես աշխատավարձ եւ դրամական այլ բավարարումներ հատկացված առանձնապես խոշոր չափերի` ընդհանուր 8.020.400 ՀՀ դրամը:
Կարդացեք նաև
Հովակիմ Բադանյանին մեղադրանք է առաջադրվել այն բանի համար, որ նա հանդիսանալով «ՀՀ դատական դեպարտամենտ» պետական կառավարչական հիմնարկի հաշվապահական հաշվառման եւ ֆինանսական վարչության ավագ մասնագետ, տեւական ժամանակ առանձնապես խոշոր չափերի հափշտակություններ կատարելու նպատակով, «ՀՀ դատական դեպարտամենտ» ՊԿՀ հաշվապահական հաշվառման եւ ֆինանսական վարչության պետ Գոհար Հարությունյանի, ներքին աուդիտի վարչության պետ Սուսաննա Սեդրակյանի, հաշվապահության աշխատակից Շուշանիկ Բանտիկյանի հետ, նախնական համաձայնությամբ, իրենց դիրքն օգտագործելով, յուրացման եղանակով, 2011թ. հոկտեմբերից մինչեւ 2013թ. հուլիս ամիսն ընկած ժամանակահատվածում հափշտակել են «ՀՀ դատական դեպարտամենտ» ՊԿ հիմնարկին ՀՀ պետական բյուջեից որպես աշխատավարձ եւ դրամական այլ բավարարումներ հատկացված առանձնապես խոշոր չափերի` ընդհանուր 8.020.400 ՀՀ դրամը:
Իսկ Շուշանիկ Բանտիկյանին մեղադրանք է առաջադրվել այն բանի համար, որ նա հանդիսանալով «ՀՀ դատական դեպարտամենտ» պետական կառավարչական հիմնարկի հաշվապահական հաշվառման եւ ֆինանսական վարչության մասնագետ, տեւական ժամանակ առանձնապես խոշոր չափերի հափշտակություններ կատարելու նպատակով, նույն վարչության պետ Գոհար Հարությունյանի, նույն հիմնարկի ներքին աուդիտի վարչության պետ Սուսաննա Սեդրակյանի, հաշվապահության աշխատակից Հովակիմ Բադանյանի հետ, նախնական համաձայնությամբ, իրենց դիրքն օգտագործելով, յուրացման եղանակով, 2011թ. հոկտեմբերից մինչեւ 2012թ. օգոստոս ամիսն ընկած ժամանակահատվածում հափշտակել են «ՀՀ դատական դեպարտամենտ» ՊԿ հիմնարկին ՀՀ պետական բյուջեից որպես աշխատավարձ եւ դրամական այլ բավարարումներ հատկացված առանձնապես խոշոր չափերի` ընդհանուր 4.388.600 ՀՀ դրամը:
Ա. Հ.
«Առավոտ» օրաթերթ
21.02.2015
