«Տղա ջան, դու արդեն չափերդ անցար, հիմա ես քո գլուխը կջարդեմ»,- այսօր «Պոստ Սկրիպտում» ակումբում ասուլիսից հետո լրագրող Վահե Մակարյանին այսպես սպառնաց երգչուհի Ինգա եւ Անուշ Արշակյանների պրոդյուսերը` Արթուր Ասատրյանը:
Խնդիրն այն է, որ ասուլիսից հետո մի քանի լրագրող փորձեցին Անուշ Արշակյանին (լուսանկարում` ձախից) հարցեր ուղղել Եվրատեսիլի, Քիմ Քարդաշյանի այցի մասին: Նրա պրոդյուսերն ասաց. «Ինտերվյու չունենք: Եթե ուզում եք, զանգում եք «Շարմ», կապվում եք Բելլայի հետ ու բոլոր տեսակի ինտերվյուները…մենք էսօր եկել ենք սրա համար: Տղա ջան, չե՞ս հասկանում, հարց տալ չկա: Զանգում եք «Շարմ»: Անուշը չի խոսելու ուրիշ ոչ մի բանի մասին»:
Լրագրողի հարցին` դուք Եվրատեսիլին ո՞նց մասնակցեցիք, ինչպե՞ս հարց տանք Անուշին` Արթուր Ասատրյանը պատասխանեց. «Իրան չի կարելի ուրիշ հարցերով էսօր հարց տալ: Գնացինք, Անուշ ջան, մենք ուշանում ենք»:
Երբ լրագրողները խնդրեցին տեսակետ հայտնել` որպես երգչուհի` Անուշ Արշակյանը պատասխանեց. «Մենք չենք, որ այդպիսի երեւույթներին պիտի գնահատական տանք»:
Կարդացեք նաև
Լրագրողի դիտարկմանը, որ գնահատական մի տվեք, կարծիք հայտնեք, պրոդյուսերը միջամտեց. «Տղա ջան, ուզո՞ւմ ես կարծիք, ասեցի որն ա ճանապարհը: «Շարմ» եք զանգում` լյուբոյ համարով»:
Արթուր Ասատրյանն ափերից դուրս եկավ երբ լրագրողն ասաց` Դուք անվտանգության աշխատո՞ղն եք: Պրոդյուսերը, սպառնալով, որ լրագրողի գլուխը կջարդի, ասաց. «Դու ինձ ճանաչո՞ւմ ես, ի՞նչ անվտանգություն, մեկը լինի` քեզ անվտանգություն լինի: Անուշ ջան, գնացինք»,- ասաց նա եւ թարս նայելով` հեռացրեց Անուշ Արշակյանին տարածքից:
Հիշեցնենք, որ Արշակյան քույրերը մի հարցազրույցից հետո հայտնվել էին անհարմար վիճակում: Եվ հավանաբար դա է պատճառը, որ նրանք այլեւս խուսափում են լրագրողների հետ շփվել եւ անկեղծ պատասխանել հարցերին:
Հռիփսիմե ՋԵԲԵՋՅԱՆ
նՆձ էլ եթե այդքան զզվացնեին լրագրողները(ձեր գրածից եմ ենթադրում) ես էլ հաստատ շատ կբարկանայի:
Հա գոնե ձայնագրությունը չքցեիք…ախր լսելուց էլ պարզ երևում ա որ էտ մարդը ոչ մի վատ բան էլ չի ասում
https://soundcloud.com/anna-israelyan/oidjnuk80ljn?fb_action_ids=1015976505099207&fb_action_types=soundcloud%3Apublish
Դե, եթե Ձեր պատկերացմամբ «գլուխը ջարդելու» սպառնալիքը, որ հստակ լսվում է ձայնագրության մեջ, վատ բան չէ՝ խնդիր չկա:
Լավ էլ հաբերություն է ունեցել պրոդյուսերը: Լրագրողն անհաջող փիառ է ուզեցել անել ինքն իրեն: Ոչինչ, մյուս անգամ «չափը չի անցնի»: