«Տրանս ակնթարթ» ընկերության սեփականատեր Մարտուն Գրիգորյանը անցած տարվա նոյեմբերի 10-ին Հոռոմի խաչմերուկում տեղի ունեցած վթարից հետո քաղհայց է ներկայացրել «Կամազ» մակնիշի վարորդ Մանվել Վարդանյանի դեմ ՝ նրանից պահանջելով 3 միլիոն 600 հազար դրամ գումար: Հիշեցնենք, միմյանց էին բախվել Մանվել Վարդանյանի վարած «Իմեքս գրուպ» ՍՊԸ հաշվեկշռում գտնվող «Կամազ» մակնիշի ու «Տրանս ակնթարթ» ընկերությանը պատկանող, Ռազմիկ Մկրտչյանի կողմից վարած «Գազել 32» մակնիշի ավտոմեքենաները: «Գազելն» այրվել էր. 7 ուղևորներ մահացել էին տեղում, իսկ 7-ը տարբեր աստիճանի մարմնական վնասվածքներով տեղափոխվել էին Գյումրու բժշկական կենտրոն: «Գազել» մակնիշի ավտոմեքենան սպասարկում էր Երևան -Գյումրի երթուղին, այն պատկանում էր «Տրանս ակնթարթ» ընկերության:
Այս գործով ամբաստանվող Մանվել Վարդանյանի փաստաբան Լիանա Բալյանը Aravot.am-ի հետ զրույցում ասաց. « Աժ պատգամավորը քաղհայց է ներկայացրել Մանվել Վարդանյանի դեմ՝ նրանից պահանջելով 3 միլիոն 600 հազար դրամի գումար որպես բաց թողնված օգուտ: Նա պատճառաբանել է, որ «Գազելն» ընդհանրապես մեղավոր չէ, քաղհայցվոր է ներկայացել, հաշվարկել էին, որ օրական ստանում է 45 հազար դրամ եկամուտ մի «Գազելից»: Եվ հաշվարկել էին, որ դեպքի օրվանից՝ 2014 թվականի նոյեմբերի 10 մինչև մարտ 10-ը «Տրանս ակնթարթ» ընկերությունը բաց է օգուտ, որ կկազմեր 3 միլիոն 600 հազար դրամ»:
Նունե ԱՐԵՎՇԱՏՅԱՆ
Այ ժողովուրդ, ճիշտ կենե մարտունը, ինքը պտի հարձակվի, որ իրա վրա չհարձակվին, մե գազելմ չկա տեղին, բայց ինքը գիծ է շահել, էդ ոնց, ուրիշ ժամանակ էղնի կսե պետական գիծ է , ինչի է հմի մեջլիս մտել, Գյումրի-Երևան գազելները իրա ձեռքն է վերցնել, սաղ գազաելները քանդվում են , ամեն 20 մետրը յա ջուրը կեփի, յա ճաշը, յա դուռը քշելուց կբացվի, օրմ ռուլը շոֆերների ձեռքը կմնա, մարդիկ էլ ասֆալտին, իսկ ինքը ուրիշին դատի կուտա, բա ոոոոոնց, բարգավաճ Հայաստան