Եվրոպայի խորհրդի խորհրդարանական վեհաժողովի (ԵԽԽՎ) Մոնիտորինգի հանձնաժողովն այսօր որոշում է կայացրել ստեղծել սառեցված հակամարտությունների կարգավորմամբ զբաղվող ենթահանձնաժողով: Այն ստեղծվելու է Մոնիտորինգի հանձնաժողովի կազմում:
Ենթահանձնաժողովը զբաղվելու է սառեցված հակամարտությունների կարգավորմամբ՝ այսինքն՝ Եվրոպայի տարածքում գոյություն ունեցող այն հակամարտություններով, որոնցում չկան ռազմական ակտիվ գործողություններ, ստորագրված է զինադադարի մասին պայմանագիր:
Վեհաժողովի ձևակերպմամբ՝ հանձնաժողովի աշխատանքները ոչ թե միտված են լինելու հակամարտությունների լրիվ կարգավորմանը, այլ նպատակ են ունենալու դիվանագիտական աջակցություն ցուցաբերել, որպեսզի գործող կարգավորման մեխանիզմներն արդյունավետ գործեն:
Վեհաժողովը որոշմամբ՝ ենթահանձնաժողովը ստեղծվել է Ղարաբաղյան հակամարտության, Հարավային Օսեթիայի և Աբխազիայի, Հյուսիսային Կիպրոսի, Մերձդնեստրի և Ղրիմի հակամարտությունների կարգավորման առնչությամբ:
Կարդացեք նաև
Տաթև ՀԱՐՈՒԹՅՈՒՆՅԱՆ
