ՀԱԿ պատգամավորները եղել են Հաղարծինում, Թեղուտում, Աղավնավանքում, Գոշում եւ այլ գյուղերում:
Լեւոն Զուրաբյանը վստահեցրեց, որ գյուղացիները վիրավորված են եւ դեմ են ներկայացված նախագծին. «Թեղուտում ասացին, ցույց տվեցին վերեւում տեղակայված հողերը, որոնք ԽՍՀՄ-ի ժամանակներում մշակվում էր, հիմա չեն մշակվում. Եվ ասացին, որ մենք, մեր ավագանին երբեք թույլ չի տա, որ այդ հողերը ինչ-որ օլիգարխի սեփականաշնորհվեն: Բայց եթե համայնքը խոշորացվի, շատ հեշտ այդ որոշումը կընդունեն, հողերը կօտարեն, կտան ինչ-որ օլիգարխի եւ գյուղացիները կմնան առանց հողերի:
Իշխանությունն ուզում է ավելի վերահսկելի դարձնեն համայնքները, ավելի հեշտ իրականացնել թալանը: Մենք կտրականապես դեմ ենք այս ծրագրին:
Նա ասաց, որ եթե խոշորացումն իրականացվի, կնշանակի, որ իշխանությունները արհամարհում են ժողովրդի կամքը:
Կարդացեք նաև
Արամ Մանուկյան էլ ասաց, որ ինքը 7 գյուղերում է եղել, հանդիպել ուսուցիչների, գյուղացիների հետ. «Մի գյուղում ասացին՝ մեր գյուղի Մովսեսը կողմ է սրան: Այսինքն, մի հոգի կար, որ կողմ էր»:
Գյուղերում հեռախոս չկա, ասֆալտ չկա, ավտբուս չկա: Մարդիկ մի տեղեկանքի համար պետք է կիլոմետրերով գնան: Մարդիկ հետո ուզում էին իրենց գյուղերի անունները մնան:
ՀԱԿ-ը եւս մեկ անգամ կոչ արեց հանրությանը մասնակցել հանրաքվեին եւ դեմ քվեարկել:
Հռիփսիմե ՋԵԲԵՋՅԱՆ
