Ինչպես տեղեկացրել ենք, այսօր Գյումրու կենտրոնական Վարդանանց հրապարակում տեղի էր ունենալու անհատ տաքսու վարորդների բողոքի ակցիան, որը, սակայն, ցրվեց տեղի ոստիկանների եւ Գյումրու քաղաքապետարանի աշխատակիցների համառ ջանքերի շնորհիվ: Վարորդները բողոքում են, քանի որ տարբեր բարձրաստիճան պաշտոնյաների՝ երկրի նախագահին, վարչապետին, ԱԺ նախագահին, տրանսպորտի ու կապի նախարարին ուղղված գրավոր դիմումների պատասխանը իրենց չի գոհացրել:
Վարորդները իրենց դիմումների մեջ մանրամասն շարադրել են, թե ինչու չեն կարող ընդունել ու կատարել ՀՀ կառավարության՝ 11.12.2014 թվականի N 1471 որոշումը, համաձայն որի, իրենք պարտավորվում են ամսական 8 հազար դրամ հաստատագրված վճար մուծել տաքսի վարելու համար, հաշվիչներ տեղադրել եւ այլն: Վարորդներին հուզող հարցերին պատասխանել էր ՀՀ տրանսպորտի եւ նախարարի տեղակալ Ա.Արսենյանը, որի պատասխանը հասցեագրված էր Սախարովի անվան մարդու իրավունքների պաշտպանության հայկական կենտրոնի Շիրակի տարածաշրջանային մասնաճյուղին: Այդ մասնաճյուղի ղեկավար Սեյրան Մարտիրոսյանն այսօր մեզ հետ զրույցում փոխնախարարի պատասխանը որակեց «ջրիկ, շրջանցող ու տառասխալներով պատասխան»:
«6 էջանոց դիմումին ընդամենը կես էջանոց պատասխան է տրվել, որտեղ փաստորեն մերժվում է վարորդների իրավացի պահանջը»,-ասաց Սեյրան Մարտիրոսյանը:
Կարդացեք նաև
Մանրամասները տեսանյութում՝
Նունե ԱՐԵՎՇԱՏՅԱՆ
