1700 ԱՄՆ դոլար կաշառք ստանալու պահին դեռեւս 2014թ. սեպտեմբերին ձերբակալված Խ. Աբովյանի անվան պետական մանկավարժական համալսարանում որպես ռեկտորի խորհրդական եւ մանկավարժ, հեռակա ուսուցման ընդունող հանձնաժողովի պատասխանատու Մկրտիչ Ղուկասյանի որդին՝ Արտակ Ղուկասյանը, Նոր Նորքի հարկային տեսչության պետն է։ Նա նաեւ «Նորմեդ» բժշկական կենտրոնի սեփականատերն է։ Ի դեպ, պաշտոնյայի հոր գործով արդեն դատավճիռն ուժի մեջ է մտել, վերաքննիչ բողոք չի էլ ներկայացվել։
Ձերբակալվելուց հետո Մկրտիչ Ղուկասյանի նկատմամբ խափանման միջոց է ընտրվել քաղաքից չբացակայելու մասին ստորագրությունը։ 2014թ. վերջին գործն ուղարկվել է դատարան, արագացված դատաքննության արդյունքում դատարանը վճռել է նրան պատիժ նշանակել 800 հազար դրամի չափով։ Այնուհետեւ, հաշվի առնելով դեկանի 2014թ. սեպտեմբերի 25– 27-ը՝ երկու օր ձերբակալման մեջ գտնվելու հանգամանքը, մեղմացրել են նշանակված պատիժը եւ Մկրտիչ Ղուկասյանի նկատմամբ վերջնական պատիժ սահմանել տուգանք՝ 750 հազար դրամի չափով:
Անի ԱՌԱՔԵԼՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
