Հռոմի պապ Ֆրանցիսկոսը Սարաեւո կատարած մեկօրյա պաշտոնական այցի ընթացքում հայտարարել է, որ պատերազմի մթնոլորտ է զգում: Այս մասին հաղորդել է «France-Presse» գործակալությունը:
«Մոլորակում ներկայիս շատ հակամարտությունները հիշեցնում են երրորդ համաշխարհային պատերազմի նման մի բան, որը զարգանում է փուլ առ փուլ եւ գլոբալ կապերի այս համատեքստում մենք զգում ենք պատերազմի մթնոլորտը»,- մասնավորապես ասել է նա:
«France-Presse»-ը նաեւ հաղորդել է, որ Հռոմի պապն այս հայտարարությունն արել է Բոսնիայի եւ Հերցեգովինայի մայրաքաղաքում տեղակայված Օլիմպիական մարզադաշտում ունեցած ելույթում: Ֆրանցիսկոսը Բոսնիական պատերազմի ավարտվելու 20-րդ տարեդարձի առթիվ է ժամանել Սարաեւո: Նրա այցի նպատակներից է նաեւ աջակցելը սերբերի եւ խորվաթների հակամարտության խաղաղ կարգավորմանը:
Բոսնիայի եւ Հերցոգովինայի 1993-ից 1995 թվականներին տեւած էթնիկ հակամարտության արդյունքում զոհվել է ավելի քան 100 հազար մարդ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
