Aravot.am-ին էին ահազանգել «Շիրակ» Ջրմուղկոյուղի ՓԲԸ-ից կրճատված մի քանի հսկիչներ՝ դժգոհելով, որ իրենց կարիքն այլեւս չկա. իրենց համատարած հեռացնում են աշխատանքից, քանի որ Ջրմուղը որոշել է անցնել աշխատանքային նոր մեթոդների: Նրանց ներկայացմամբ, այսուհետ բնակիչը ջրի վարձը պիտի վճարի իր սպառածի միջին չափով, հիմք ընդունելով նախորդ տարիներին իր ամսական վճարած գումարի մոտավոր չափը, իսկ հսկիչը երեք ամիսը մեկ պիտի այցելի բնակչին ու նկարահանող սարքով նկարի նրա ջրի հաշվիչի վրա սպառած ջրի ֆիքսված քանակը:
«Շիրակ» Ջրմուղկոյուղի ՓԲԸ տնօրեն Վարդան Մարտիրոսյանը եւս ունի հիմնավորումները, իհարկե, նա՝ որպես մարդ, հասկանում է աշխատանքից ազատվածների դժգոհությունը. կան մարդիկ, որոնք տան միակ կերակրողն են, սակայն, ըստ նրա, կառույցը տեխնիկապես հզորացնում են, որի արդյունքում շատ դեպքերում մարդկային գործոնն այլեւս բացառվում է կամ մարդու դերակատարությունն այլեւս իմաստ չի ունենում:
Սակայն աշխատանքից հեռացվածները նեղվում են, որ «Հայջրմուղկոյուղի» ընկերության գլխավոր տնօրեն եւ պայմանագրի կառավարիչ Պատրիկ Լորենը (լուսանկարում) Շիրակի մարզում գործազուրկների բանակն է ավելացնում:
Մանրամասները՝ վաղվա «Առավոտ» օրաթերթում:
Կարդացեք նաև
Նունե ԱՐԵՎՇԱՏՅԱՆ
