Իջեւանի բնակիչ, 1966թ. ծնված Արծրուն Հարությունյանին մեղադրանք է առաջադրվել այն բանի համար,որ նա 2015թ. մարտի 29-ին ժամը 14-ի սահմաններում ուրիշի գույքի գաղտնի հափշտակություն կատարելու դիտավորությամբ ապօրինի մուտք է գործել Իջեւան քաղաքի Թավրիզյան 57 հասցեում գտնվող տան պահեստարան, այնտեղից գաղտնի հափշտակել է մեկ հատ պոլիթիլենային խողովակ: Նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով: Նրան սպառնում է 500 հազարից 1 միլիոն դրամ տուգանք կամ մինչեւ 2 տարի ազատազրկում:
Ըստ «Դատալեքս» դատական տեղեկատվական համակարգի՝ Ա.Հարությունյանի նկատմամբ խափանման միջոց է ընտրվել չհեռանալու մասին ստորագրությունը: Սույն քրեական գործով դատավարությունն ընթանում է Տավուշի մարզի առաջին ատյանի դատարանի Բերդի նստավայրում: Նշենք, որ Բերդ քաղաքը Իջեւանից հեռու է 69 կմ:
Ոսկան ՍԱՐԳՍՅԱՆ
