Բաքվի նահանգապետ Ալեքսանդր Նովիկովի օրագրում արձանագրված պատմական փաստերը վերահրատարակվել են «Բաքվի ջարդեր. 1905 թ.» գրքով:
«1905-1906 թթ. իրադարձությունները կոչվում են հայ-թաթարական ջարդեր: Իսկ Ալեքսանդր Նովիկովն իր օրագրում գրում է, որ դրանք միայն հայոց ջարդեր են: Իր օրագրում նա նկարագրում է տեղի ունեցող իրադարձությունները, խոսում հայերի դիակների մասին…»,- այսօր լրագրողների հետ հանդիպման ժամանակ ասաց «Անտիտոպոռ» լրատվական-վերլուծական կենտրոնի մեկնաբան, գրքի խմբագիր Վադիմ Հարությունովը:
Նա ասում է, որ գիրքը պատահական է իր ձեռքն ընկել. «Հին գիրք էր, լույս էր տեսել հավանաբար 10 օրինակով: Վաճառքի էր հանված, և գնորդներից մեկն էլ ես եղա: Կարդալուց հետո որոշեցի վերահրատարակել, որովհետև հասկացա, որ գտածո է. նման բան ոչ համացանցում կար, ոչ էլ գրախանութներում»,- նշեց Վադիմ Հարությունովը:
Գրքի հեղինակ Ալեքսանդր Նովիկովը, որն այդ արյունալի դեպքերի ականատեսն է եղել, գիրքը գրել է 1905 թվականի ապրիլին:
Գրքի հիմքում վկաների պատմություններ են, հոդվածներ, նամակներ և այլն:
Սիրանուշ ՀԱՅՐԱՊԵՏՅԱՆ
