Այսօր «Պոստ Սկրիպտում» ակումբում հրավիրած ասուլիսում սահմանադրագետ Գաբրիել Բալայանն ասաց, որ ՀՀ Սահմանադրությունում բարեփոխումների կարիք տեսնում է: Բայց, նրա խոսքերով, այն մարտահրավերները, որոնք կային Հայաստանի առջեւ, ավելի թեժացան, անվտանգության հարցերն ավելի սրվեցին: Ըստ նրա՝ Սահմանադրության նախագծում անվտանգության հետ կապված լուծումները արտացոլված չեն. «ԶՈՒ գլխավոր շտաբի պետի կարգավիճակ, պատերազմական ժամանակ եւ խաղաղ պայմաններում ներկայացված դրույթները չեն համապատասխանում այն մարտահրավերներին, որոնք ծառացած են ՀՀ-ի առջեւ»:
Իսկ փաստաբան Տիգրան Աթանեսյանի (լուսանկարում) խոսքերով՝ Սահմանադրական բարեփոխումներն արհեստական օրակարգ են, բովանդակությունը մեծ հաշվով էական չէ. «Քանի որ երբեւէ Սահմանադրությունը չի գործել, դրա համար չենք կարող ասել՝ դրա կարիքը կա, թե՞ ոչ: Երբ կունենանք արդար ընտրություններ, սահյմանադրական մեխանիզմները երբ կգործեն, ոչ թե խանական կառավարման ձեւը, որը փաստացի գործում է, երբ կլինեն ընտրություններ, նոր դրանից հետո կարելի է խոսել՝ կա՞ այդ սահմանադրական փոփոխությունների կարիքը, թե՞ ոչ»:
Ըստ նրա, մեր երկիրը վտանգված է այն կառավարման ձեւով, որը մենք ունենք՝ կիսաբռնապետական. «Մեր անվտանգությանը Ադրբեջանը չի սպառնում, այլ մեր ներքին հակառակորդը, որը ստիպում է մեր ազգաբնակչությանը լքել Հայաստանը, բիզնեսմեններին՝ փակել իրենց բիզնեսները: Գլխավոր թշնամին դա է: Ես չեմ գտնում, որ Ադրբեջանն է մեր գլխավոր թշնամին»:
Հարցին՝ համամի՞տ եք տեսակետին, որ այս ամենը կարված է Սերժ Սարգսյանի հագով՝ Գաբրիել Բալայանը պատասխանեց. «Ես չէի ուզենա ասել, որ դա ինչ-որ մեկի հագով է կարված»: Երբ լրագրողները ճշտեցին Ձեր կարծիքը արդյո՞ք պայմանավորված չէ այն հանգամանքով, որ Ձեր եղբայրն աշխատում է պետական գերատեսչությունում՝ նկատի ունենալով այն, որ նա ԱԳՆ մամլո խոսնակ Տիգրան Բալայանի եղբայրն է, Գաբրիել Բալայանը պատասխանեց, որ ոչ թե մի եղբայրը, այլ՝ եղբայրներն են աշխատում պետական համակարգում, սակայն. «Միանշանակ, դրանով չի պայմանավորված: Եթե հետեւեք իմ մեկնաբանություններին, այդ թվում՝ սոցցանցերով, կտեսնեք, որ դրանք բավականին օբյեկտիվ են»:
Կարդացեք նաև
Ըստ նրա, 1-7 գլուխներում կյանքի իրավունքների հետ կապված եւ այլ դրույթներ կան, որոնք խիստ քննադատության ենթարկվեցին.«Արդեն 7-15 գլուխները որ հրապարակվեցին, նրանց մեջ խնդրահարույց դրույթները հանվեցին»:
Հռիփսիմե ՋԵԲԵՋՅԱՆ
Սահմանագրագետ , սահմանադրագետ. էս մասնագիտությամբ ո՞ր ԲՈՒՀ-ն է դիպլոմ տալիս:
Ներողություն, վրիպակ է, հիմա կուղղենք: