Նախարարը վստահեցնում է, որ խոշոր բիզնեսը չի սուբսիդավորվելու
Էլեկտրաէներգիայի 6.93 դրամ թանկացման սուբսիդավորումը կատարվելու է մինչեւ Հանրային ծառայությունները կարգավորող հանձնաժողովի կողից հրավիրած խորհրդատվական ընկերության աշխատանքների ավարտը: Այսօր այս մասին կառավարության նիստից հետո լրագրողների հետ ճեպազրույցում ասաց էներգետիկայի եւ բնական պաշարների նախարար Երվանդ Զախարյանը:
Նրա խոսքերով՝ սուբսիդավորումը, ինչպես այսօր կառավարության նիստին որոշվեց, տրամադրվելու է բնակչությանն ամբողջությամբ, իսկ մինչեւ 500 կվտ/ժ ծախսող փոքր ու միջին ձեռնարկություններին՝ 250 կվտ/ժ ծավալով. «Խոշոր բիզնեսը չի սուբսիդավորվելու»:
Դիտարկմանը՝ խոսք էր գնում, որ սուբսիդավորումը կլինի մինչեւ ՀԷՑ-ի աուդիտի ավարտը, Զախարյանն ասաց. «ՀԷՑ-ի աուդիտի հետ սա կապված չէ: ՀԷՑ-ի աուդիտի համար ուրբաթ օրը մրցույթի հայտարարություն է արվել, մինչեւ սեպտեմբերի վերջ ովքեր կուզեն, կարող են հայտ ներկայացնել»:
Կարդացեք նաև
Մանրամասն՝ տեսանյութում
Նելլի ԲԱԲԱՅԱՆ
