Այս օրերին, երբ ադրբեջանցիները օր ու գիշեր ռմբակոծում են սահմանամերձ հայկական բնակավայրերը, այդ գյուղերի գյուղապետերը լրագրողներից «փախած» են ման գալիս եւ որեւէ տեղեկատվություն չեն տալիս` պատճառաբանելով, որ վերեւից հրահանգ ունեն չխոսել: Գյուղապետերն արգելում են նաեւ այդ գյուղերի բնակիչներին հարցազրույցներ տալ: Գյուղապետերի խոսքերով, չեն ուզում, որ երկրում խուճապ ստեղծվի:
Aravot.am-ն այսօր հոգեբան Խաչատուր Գասպարյանից եւ սուիցիդոլոգ Կամո Վարդանյանից, որոնք «Պոստ Սկրիպտում» ակումբում կարծիք էին հայտնում, որ «ամեն ինֆորմացիա չէ, որ պետք է հրապարակվի», հետաքրքրվեց, թե այդ դեպքում հասարակությունն ինչպե՞ս տեղեկատվություն ստանա սահմանային իրավիճակից եւ արդյոք «վերեւների» այդ պահվածքով չի± խախտվում մարդու տեղեկատվություն ստանալու իրավունքը:
Կամո Վարդանյանն ասաց, գյուղապետերը չեն կարող ճիշտ ինֆորմացիա տալ, այլ նման դեպքերում պետք է մասնագետը տեղեկատվությունը տա: Մեր այն հարցին, թե գուցե համապատասխան կառույցները թերանո՞ւմ են իրենց գործում եւ դաշտում տեղեկատվության պակաս է առաջանում, ինչն էլ այլ աղբյուրներից համալրելու անհր³ժեշտություն է առաջանում, պարոն Վարդանյանն ասաց. «Ես գիտեմ, որ համապատասխան կառույցները լրագրողներին հավաքում են եւ տալիս են ինֆորմացիա»: Սուիցիդոլոգը նաեւ ասաց, որ լռությունն անհրաժեշտ է, որպեսզի դեստրուկտիվ խուճապ չառաջանա, իսկ դա թշնամին տարբեր ճանապարհներով կարող է առաջացնել:
Մանրամասները` տեսանյութում
Լուսինե ԲՈՒԴԱՂՅԱՆ
