3-4 տարի առաջ, երբ մեր ճանապարհներին տեղադրվում էին արագաչափերն ու տեսախցիկները, հայտարարվում էր, որ դա արվում է երթեւեկության անվտանգությունը բարձրացնելու, եւ ոչ թե շատ տուգանքներ հավաքելու համար:
Անցած տարիների վիճակագրությունը ցույց է տալիս, որ արագաչափերի ու տեսախցիկների տեղադրումը ամենեւին էլ չի նպաստել երթեւեկության անվտանգության բարձրացմանը, իսկ դրանց արձանագրած խախտումների համար քաղաքացիներից գանձված գումարներով Հայաստանը թերեւս կարող է տեղ զբաղեցնել Գինեսի ռեկորդների գրքում։
Վերցնենք ամենաթարմ տվյալները։ Այս տարվա առաջին 7 ամիսներին Հայաստանում տեղի է ունեցել 1802 ճանապարհատրանսպորտային պատահար։ Դրանց հետեւանքով զոհվել է 176 մարդ եւ վիրավորվել 2545-ը։ Անցած տարվա նույն ժամանակահատվածի տվյալները այսպիսին են՝ ՃՏՊ-ների թիվը եղել է 1689, զոհվածների թիվը՝ 156, վիրավորներինը՝ 2405 (տես գծապատկերները):
Այլ կերպ ասած, ՃՏՊ-ների թիվը անցած տարվա նույն ժամանակահատվածում աճել է 6.7 տոկոսով, դրանց հետեւանքով զոհվածների թիվը աճել է 12.8 տոկոսով, իսկ վիրավորվածների թիվը՝ 5.8 տոկոսով։
Կարդացեք նաև
Նման տխուր վիճակագրություններին ի պատասխան՝ մեր պետական պաշտոնյաները հայտարարում են, թե ՃՏՊ-ների թվի աճը պայմանավորված է ավտոմեքենաների թվի աճով։ Սուտ է: Եվ այդ սուտը «բռնվում է» պաշտոնական այլ վիճակագրությամբ։ Ըստ ՀՀ մաքսային ծառայության պաշտոնական տվյալների, այս տարվա առաջին 7 ամիսներին Հայաստան ներկրվող ավտոմեքենաների ընդհանուր արժեքը անցած տարվա նույն ժամանակահատվածի համեմատ կրճատվել է գրեթե կիսով չափ։ Կրճատումը հիմնականում պայմանավորված է ներկրվող մեքենաների թվի կտրուկ կրճատմամբ:
Հայկ ԳԵՎՈՐԳՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
