«Երբեք չմտածեք, թե վարչապետը խոսելու բան չուներ, պարզապես ասաց դա: Ամենաբարձր մակարդակներում իմաստավորված էր, ինչ-որ տեղ նաեւ պարտադրված էր ավելի դոմինանտ ինստիտուտի կողմից, ասենք Ռուսաստանի Դաշնության կողմից: Նա իրավունք ունի նման առաջարկով հանդես գալ, քանի որ Հայաստանի ընդհանուր շրջանառության առումով կապված է Ռուսաստանի հետ»,- այս մասին այսօր՝ սեպտեմբերի 19-ին, «Դեբատ» ակումբում ասաց տնտեսական գիտությունների դոկտոր-պրոֆեսոր Վարդան Բոստանջյանը:
Նա, մասնավորապես մեկնաբանում էր սեպտեմբերի 8-ին Ռուսաստանի վարչապետ Դմիտրի Մեդվեդեւի հետ հանդիպումից հետո ԵՏՄ-ում որոշ ապրանքների առեւտուրը ռուբլով կատարելու մասին Հայաստանի վարչապետ Հովիկ Աբրահամյանի առաջարկությունը:
Վարդան Բոստանջյանը կարծում է, թե նորմալ է, որ գործընկերները նույն արժույթով առեւտուր կատարեն. «Ի՞նչ դատապարտելի բան կա այստեղ: Ես զարմանում եմ մեր խելոք ազգի վրա, որ այս պահերին զարմանում են: Դուք պետք է անմիջապես շուռ գաք եւ հարցնեք, թե ինչո՞վ է այս ամենը բացատրվում, որ ամենազանազան արժույթները, մասնավորապես եվրոն ու դոլարը թափած են այստեղ: Որովհետեւ սա միջոց է ստվերում գործելու համար»:
Աշոտ ԻՍՐԱԵԼՅԱՆ
Կարդացեք նաև
