Ոստիկանները հայտարարեցին, թե երթը խոչընդոտում է քաղաքացիների ազատ տեղաշարժման իրավունքը
Ինչպես արդեն տեղեկացրել ենք, «Նոր Հայաստան» հանրային փրկության ճակատը Վանաձորում հանրահավաք էր կազմակերպել: Հանրահավաքի ավարտից հետո նախաձեռնության անդամները երթ կազմակերպեցին:
Սակայն ոստիկանները նախ հայտարարեցին, որ հանրահավաքի մասին իրազեկելիս երթի մասին չեն նշել, այնուհետեւ հայտարարեցին, որ երթը խոչընդոտում է մյուս քաղաքացիների ազատ տեղաշարժման իրավունքը: Ոստիկանությունը պատ կազմեց, որպեսզի երթի մասնակիցները առաջ չշարժվեն, ցուցարարների եւ ոստիկանների միջեւ հրմշտոց սկսվեց:
«Ժառանգություն» կուսակցության վարչության փոխնախագահ Արմեն Մարտիրոսյանը ոստիկանության հետ զրույցում նշեց, որ քարոզարշավ է, եւ իրենց իրավունքն է երթ կատարել: Նա խնդրեց ոստիկանությանը չխոչընդոտել խաղաղ երթը:
Կարդացեք նաև
Երթը շարունակվեց: Երթի ընթացքում «Նոր Հայաստան» հանրային փրկության ճակատի անդամները վանաձորցիներին իրազեկում էին դեկտեմբերի 1-ին Ազատության հրապարակում կայանալիք հանրահավաքի մասին:
Ամի ՉԻՉԱԿՅԱՆ
