«Վերջին 25 տարիների ընթացքում արդյունքի չհասնելը չեմ կարծում, որ միջնորդների մեղքն է»,- նոյեմբերի 10-ին լրագրողների հետ զրույցում, անդրադառնալով Լեռնային Ղարաբաղի կոնֆլիկտին, ասաց ԱՄՆ դեսպան Ռիչարդ Միլսը:
Նրա կարծիքով՝ կոնֆլիկտի միակ լուծումը խաղաղ բանակցային լուծումն է, որը կապահովի բոլորի անվտանգությունը. «Դա բոլոր կողմերից պահանջում է քաղաքական կամք: Միջնորդները աշխատում են, որպեսզի ապահովեն այն միջավայրը, այն հարթակը, որը քաղաքական կամքի առկայության դեպքում հնարավորություն կտա առաջ շարժվել»:
Դեսպանը նշեց, որ ԱՄՆ կառավարությունը մտահոգված է բռնությունների թվի ավելացմամբ. «Բռնությունների այդ մակարդակը ուղղակի անընդունելի է, եւ չի կարող այսպես շարունակվել: Կարծում եմ՝ դա կողմերի մոտ քաղաքական կամք պետք է ձեւավորի, որպեսզի խնդիրը լուծում ստանա, ես դրանում վստահ եմ»:
Ամի ՉԻՉԱԿՅԱՆ
