ՀՀԿ ԳՄ նիստից հետո լրագրողները ՀՀԿ խոսնակ Էդուարդ Շարմազանովից հետաքրքրվեցին, թե ինչու անկուսակցական նախարար Սեյրան Օհանյանը միացել «Այո-ի» քարոզարշավին:
«Յուրաքանչյուր քաղաքական գործիչ, յուրաքանչյուր պետական պաշտոնյա իրավունք ունի իր կարծիքն արտահայտել երկրում իրականացվող սահմանադրական բարեփոխումների վերաբերյալ: Ինչպես ոչ-ը իրավունք ունի գոյություն ունենալ, այնպես էլ «Այո»-ն: Որեւէ օրենքի խախտում պարոն Օհանյանի հարցազրույցի, հայտարարության հետ կապված չեմ տեսնում: Երկրորդական է կուսակցական է, թե անկուսակցական: Սահմանադրական բարեփոխումները կուսակցական քարոզարշավ չէ: Սահմանադրական բարեփոխումն ավելի լայն գործընթաց է քան իշխանություն-ընդդիմություն պայքարը»,- ասաց պարոն Շարմազանովը:
Նրա խոսքով, անթույլատրելի է սահմանադրական բարեփոխումները ընդդիմություն-իշխանություն պայքարի տիրույթում դիտարկելը. «Գոնե Խորհրդարանում առկա ընդդիմության մեծամասնությունը կողմ է արտահայտվել սահմանադրական բարեփոխումներին…Սա է մեր «Այո»-ն (ցույց է տալիս «Այո»-ի բուկլետը) ՀՀԿ-ն եւ «Այո»-ի քարոզիչները շեշտը դնում են դրական փոփոխությունների վրա եւ այն բովանդակության վրա, որ այստեղ է դրված: Սա ձեզ իմ կողմից նվեր, ընթերցեք (նվիրում է լրագրողին)»:
Դիտարկմանը, թե «Այո»-ի քարոզարշա՞վ եք անում, ասաց՝ ինչ վատ բան կա «Այո»-ի քարոզի մեջ:
Կարդացեք նաև
Արփինե ՍԻՄՈՆՅԱՆ
