27 տեղամասում Ilur.am կայքի լրագրողի վկայականով այս կինը (լուսանկարում) զարմացավ, երբ հետաքրքրվեցի`ինքը լրագրո՞ղ է: Ռեգինա Տեմկինան որոշեց անմիջապես «հակահարձակման» անցնել`մանրամասն քննելով իմ ով լինելը, թեպետ կրում էի լրագրողի վկայականը եւ այն բավական տեսանելի էր: Երբ հետաքրքրվեցի, թե լրագրության հետ գոնե հեռավոր առնչություններ ունեցե՞լ է, կինն ասաց, որ «Հայկական ժամանակ» օրաթերթում մի հոդված է գրել:
Նորքի զանգվածի տարբեր տեղամասերում ևս Ilur.am կայքի վկայականներով մարդիկ էին, որոնք ներկայանում էին իբրեւ լրագրողներ: Aravot.am-ի հետ զրույցում Ilur.am կայքի խմբագիր Քրիստինե Խանումյանն ասաց, որ այդ մասին պարզաբանումներ իրենք ավելի ուշ կտեղադրեն Ilur.am կայքում:
Ընդհանուր առմամբ, այս տեղամասում ընտրությունները նորմալ էւն ընթանում: Մեզ հետ զրույցներում դա փաստեցին ՀԱԿ ներկայացուցիչ, հանձնաժողովի քարտուղար Եպրաքսիա Պողոսյանը, հանձնաժողովում «Ժառանգության» ներկայացուցիչը:
1905 ընտրողներից ժամը 14.00-ի դրությամբ 353 ընտրող էր մասնակցել քվեարկության:
Կարդացեք նաև
Դժգոհ էր միայն մի տարեց մի կին ընտրող. «Գոնե այս օրերին ճանապարհները մաքրեին, որ մարդիկ հանգիստ գային քվեարկության: Պե՞տք էր մեզ էս քվեարկությունը, քիչ էր մնում ընկնեի, եսիմ ինչ լինեի»: Դժգոհ ընտրողը թույլ չտվեց իրեն լուսանկարել:
Հիշեցնենք, այսօր սահմանադրական բարեփոխումների հանրաքվեն է:
Նելլի ԳՐԻԳՈՐՅԱՆ
